تھی تو یہ ایک بات ہی پر سنگ میل تھی : آئلہ طاہر

Lovely Eyes · Jul 24, 2020

آئلہ طاہر

تھی تو یہ ایک بات ہی پر سنگ میل تھی
کھونے کا خوف اسے بھی ہراساں کیے رہا

بادل بھرا بھرایا نہ برسا تو رنج کیا
اس دھوپ کے سفر کو تو آساں کیے رہا

یہ ایک شے الگ سے رگ جاں پہ بار تھی
اک لمحۂ فراق پریشاں کیے رہا

کیا موڑ تھا کہ ضبط کا یارا نہیں رہا
حالانکہ عمر بھر دل ناداں کیے رہا

اس غم کے قرض دار ہیں تیرہ شبوں میں بھی
رد وفا کا داغ فروزاں کیے رہا

کب آپ جانتے ہیں کہ اک درد مستقل
پیماں کی شام شام غریباں کیے رہا