غصہ نہ دلاؤ

[صبیح]

پنتیس سال کا شراب کا عادی شخص اس کے پاس پیسہ نہیں تھا، اس نے اپنی بیوی سے پیسہ مانگا ،بیوی نے شراب کے لیے پیسہ دینے سے انکار دیا اس پر میاں بیوی میں تکرار ہوئی ،آگے اخبار کے الفاظ ہیں۔

مجرم جو کہ شراب کا عادی اس وقت غصہ ہوگیا جب کہ اس کی بیوی نے اس کو رقم نہ دی جو اس نے مانگی تھی ، غصہ سے بے قابو ہوکر اس نے اپنے دوسال کے بچے کو لیا اور اس کو کئی بار اٹھا اٹھا کر زمین پر پٹخا،اس کے نتیجہ میں اس کا بچہ اسی وقت مرگیا۔
جب آدمی غصہ میں ہو تو اس وقت وہ شیطان کے قبضہ میں ہوتا ہے ،اس وقت وہ کوئی بھی غیر انسانی حرکت کرسکتا ہے ،حتی کہ خود اپنے بیٹے کو بے رحمانہ طور پر ہلاک کرسکتا ہے۔
یہ ایک ایسی کمزوری ہے جو ہر آدمی کے اندر موجود ہے ایسی حالت میں معاشرے کے اندر محفوظ اور کامیاب زندگی حاصل کرنے کی صورت صرف یہ ہے کہ آدمی دوسروں کو غصہ دلانے سے بچے ،وہ حسن تدبیر کے ذریعہ اس بات کی کوشش کرے کہ وہ دوسرے کو اس جذباتی حالت تک نہ پہنچنے دے جب کہ وہ شیطان کا معمول بن جائے اور اس مجنونانہ کاروائی پر اتر آئے جس کی ایک مثال اوپر کے واقعہ میں نظر آتی ہے۔
غصہ اور انتقام کی برائی کا تعلق کسی قوم سے نہیں ۔وہ ہر انسان کے مزاج میں شامل ہے ، خواہ وہ کسی بھی قوم یا کسی بھی ملک سے تعلق رکھتا ہو، غصہ اور انتقام کوانسانی مسئلہ کے طور پر لینا چائیے نہ کہ فرقہ یا قوم کے مسئلہ کے طور پر۔
اقتباس

 

[Doctor]

یہ تصویر کا ایک رُخ ہوسکتا ہے اگر اسے اصول مان لیں تو بہت سے مسائل پیدا ہوسکتے ہیں

کسی بھی معاملہ میں فیصلہ اُس کے حق میں ہونا شروع ہوجائے گا جسکا غصہ زیادہ ہو پھر تو ہر بندہ ایگریسیو رہنے کی پریکٹس شروع کردے گا

برائی یا غلطی کو کبھی بھی برداشت نہیں کیا جاسکتا البتہ اُسے تبدیل کرنے کی کوشش کی جائے کبھی کبھار ایسا ہوسکتا ہے کہ عارضی طور پر کچھ توقف کیا جائے لیکن یہ مستقل نہیں ہوسکتا

 

[صبیح]

یہ تصویر کا ایک رُخ ہوسکتا ہے اگر اسے اصول مان لیں تو بہت سے مسائل پیدا ہوسکتے ہیں

کسی بھی معاملہ میں فیصلہ اُس کے حق میں ہونا شروع ہوجائے گا جسکا غصہ زیادہ ہو پھر تو ہر بندہ ایگریسیو رہنے کی پریکٹس شروع کردے گا

برائی یا غلطی کو کبھی بھی برداشت نہیں کیا جاسکتا البتہ اُسے تبدیل کرنے کی کوشش کی جائے کبھی کبھار ایسا ہوسکتا ہے کہ عارضی طور پر کچھ توقف کیا جائے لیکن یہ مستقل نہیں ہوسکتا

مذکورہ خبر میں جو واقعہ ہوا اس پر مصنف نے اپنی رائے دی ہے،ہم قاری اس واقعہ سے یہ سبق سیکھ سکتے ہیں کہ اپنی پریکٹیکل لائف کے اندر کسی ایسے فرد کو غصے کی حالت میں مزید اس سے بحث و مباحثہ کرکے اسے اس کیفیت تک دھکا لگا کر نہ پہنچا دیں جہاں سے وہ خود یا دوسرے کو موت کے منہ میں دھکیل دے، آپ جزوی اتفاق کریں یا نہ کریں تاہم ہم اپنے روزمزہ کی زندگی سے مذکورہ واقعہ سے سبق سیکھ سکتے ہیں۔

 

[BILAAL]

​

 

[King]

بہت عمدہ اور پیاری بات

 

[ناعمہ وقار]

شراب کو ام الخبائث ایسے ہی نہیں کہا گیا

حضرت عبد اللہ بن عباس رضی اللہ عنہما بیان کرتے ہیں کہ رسول اللہ صلی اللہ علیہ وسلم نے فرمایا : میرے پاس حضرت جبریل علیہ السلام تشریف لائے اور فرمایا : یا محمد ! اللہ تعالی نے شراب پر لعنت بھیجی ہے ، اس کے نچوڑنے والے پر اور نچڑوانےوالے پر ، اس کے پینے والے پر ، اس کے لانے والے پر اور جس کے لئے لائی جائے اس پر ، اس کے بیچنے والے پر اور اس کے خریدنے والے پر ، اس کے پلانے والے پر اور اس کے پلانے کا مطالبہ کرنے والے پر ۔
{ مسند احمد ، صحیح ابن حبان ، طبرانی کبیر } ۔

عہد صدیقی میں ایک بار حضرت ابو بکر و عمر رضی اللہ عنہما اور چند دیگر صحابہ ایک مجلس میں بیٹھے گفتگو کررہے تھے کہ کبیرہ گناہوں کا ذکر چھڑ گیا ، لیکن اس پر اتفاق رائے نہیں ہو پا رہا تھا کہ [ شرک باللہ کے بعد ] سب سے بڑا گناہ کیا ہے ؟ اور نہ ہی کسی کے پاس اس بارے میں کوئی صحیح علم تھا ، لہذا حضرت عبد اللہ عمر کو حضرت عبد اللہ بن عمرو کے پاس بھیجا گیا کہ شاید ان کے پاس اس سلسلے میں کوئی علم ہو ۔
حضرت عبد اللہ بن عمرو رضی اللہ عنہما نے فرمایا کہ سب سے بڑا گناہ شراب نوشی ہے ، یہ خبر لے کر حضرت عبد اللہ بن عمر جب صحابہ کے پاس آئے تو لوگوں نے اسے قبول کرنے سے انکار کیا پھر سبھی لوگ اٹھے اور جمع ہوکر حضرت عبد اللہ بن عمرو کے گھر تشریف لے گئے اور تفصیل چاہی تو حضرت عبد اللہ بن عمر رضی اللہ عنہما نے کہا : رسول اللہ صلی اللہ علیہ وسلم نے فرمایا ہے کہ بنی اسرائیل کے کسی بادشاہ نے ایک شخص کو پکڑا اور اسے اختیار دیا کہ شراب پئے ، یا خون کرے ، یا زنا کرے ، یا سور کا گوشت کھائے یا پھر اگر نہیں مانتا تو اسے قتل کردیا جائے ، چنانچہ اس نے شراب پینا قبول کرلیا ، اور جب شراب پی لیا تو وہ سارے کام کر گیا جن سے وہ بچ رہا تھا یعنی زنا بھی کیا قتل بھی کیا وغیرہ وغیرہ ۔

حضرت عبد اللہ بن عمرو رضی اللہ عنہما نے مزید فرمایا کہ اس قصہ کو بیان کرنے کے بعد رسول اللہ صلی اللہ علیہ وسلم نے فرمایا : جو شخص بھی شراب پیتا ہے چالیس دن تک اس کی نماز قبول نہیں ہوتی اور اگر اس کا انتقال ہوجائے اس حال میں کہ مثانہ میں اس شراب کا کچھ بھی حصہ باقی ہے تو وہ جنت میں داخل نہ ہوگا اور اگر چالیس دن کے اند مرگیا تو اس کی موت جاہلیت کی موت ہوگی ۔​

 

[BILAAL]

​

Themes : Pranto - Responsive HTML5 Education Template