رواجی ذہن

[مسٹر کامیاب خان]

رواجی ذہن
الیس ہووےElias Howe
ایک معمولی کاریگر تھا جو اڑتالیس سال جی سکا مگر اس نے دنیا کو ایک ایسی چیز دی جس نے کپڑے کی تیاری میں انقلاب پیدا کردیا،یہ سلائی کی مشین تھی جو اس نے اٹھارہ سو پنتالیس میں ایجاد کی
الیس نے جو مشین بنائی اس کی سوئی دھاگہ ڈالنے کے لیے ابتداءً سوئی کی جڑ کی طرف چھید ہوتا تھا جیسا کہ عام طور پر ہاتھ کی سوئیوں میں ہوتا ہے ۔ہزاروں برس سے انسان سوئی کی جڑ میں چھید کرتا آرہا تھا،اس لیے الیس ہووے نے جب سلائی کی مشین تیار کی تو اس میں بھی عام رواج کے مطابق اس نے جڑ کی طرف چھید بنایا۔اس کی وجہ سے اس کی مشین ٹھیک کام نہیں کرتی تھی ۔شروع میں وہ اپنی مشین سے صرف جوتا سی سکتا تھا ،کپڑے کی سلائی اس مشین پر ممکن نہ تھی ۔الیس ایک عرصہ تک اسی ادھیڑ بن میں رہا مگر اس کی سمجھ میں اس کا کوئی حل نہیں آرہا تھا ۔آخر کار اس نے ایک خواب دیکھا جس نےاس کا مسئلہ حل کردیا۔
اس نے خواب میں دیکھا کہ کسی وحشی قبیلہ کے آدمیوں نے اس کو پکڑ لیا ہے اور اس کو حکم دیا ہے کہ وہ 24 گھنٹوں کے اندر سلائی مشین بنا کر تیار کرے،ورنہ اس کو قتل کردیا جائے گا ،اس نے کوشش کی مگر مقررہ مدت میں وہ مشین تیار نہ کرسکا، جب وقت پورا ہوگیا تو قبیلہ کے لوگ اس کو مارنے کے لیے دوڑ پڑے ۔ان کے ہاتھ میں برچھا تھا،ہووے نے غور سے دیکھا تو ہر برچھے کی نوک پر ایک سوراخ تھا ،یہی دیکھتے ہوئے اس کی نیند کھل گئی۔
ہووے کو آغاز مل گیا، اس نے برچھے کی طرح اپنی سوئی میں بھی نوک کی طرف سے چھید بنایا اور اس میں دھاگا ڈالا ،اب مسئلہ حل تھا، دھاگے کا چھید اوپر ہونے کی وجہ جو مشین کام نہیں کررہی تھی وہ نیچے کی طرف چھید بنانے کے بعد بخوبی کام کرنے لگی ۔
ہوے کی مشکل یہ تھی کہ وہ رواجی ذہن سے اوپر اٹھ کر سوچ نہیں پاتا تھا ،وہ سمجھ رہا تھا کہ جو چیز ہزاروں سال سے چلی آرہی ہے وہی صحیح ہے، جب اس کے لاشعور نے اس کو تصویر کا دوسرا رخ دکھایا اس وقت وہ معاملہ کو سمجھا اور اس کو فوراً حل کرلیا۔جب آدمی اپنے آپ کو ہمہ تن کسی کام میں لگا دے تو وہ اسی طرح اس کے رازوں کو پالیتا ہے جس طرح مذکورہ شخص نے پا لیا۔
اقتباس

 

[Doctor]

خواب میں کئی بار آنے والے واقعات کی جانب رہنمائی بھی مل جایا کرتی ہے

ہمارے میٹرک کے امتحانات تھے، امتحان سے ایک ہفتہ قبل میں نے خواب دیکھا کہ ہم کیمسٹری کا پیپر دے رہے ہیں جب سوالات کا پرچہ تقسیم ہوا تو میں اُسے پڑھتا ہوں تو سب سے اوپر امونیا گیس اور اسکے بنانے کا طریقہ بیان کرنے کو کہا گیا۔

باقی سب تو مجھے بھول گیا مگر امونیا گیس والا سوال یاد رہا، اگلے روز میں نے سب اپنے کلاس فیلوز کو یہ بات بتائی تو کئی ایک نے مذاق اُڑایا اور چند ایک نے سچ مان لیا، اب میں نے تو اس سوال کا مکمل جواب ازبر کرلیا ایک دو اور نے بھی یاد کیا اور جو مذاق سمجھ رہے تھے ان میں سے ایک دو نے اس سوال کی تفصیل نقل کی صورت میں اپنے ساتھ رکھ لی

کیمسٹری کے پیپر میں یہ سوال موجود تھا ، پھر جس نے جو تیاری کی تھی اس کے مطابق سوال کا جواب لکھا اور پیپر کے بعد جب اسٹڈی کے وقت ملاقات ہوئی تو اب سب کی یہی فرمائش تھی کہ یار کسی طرح باقی پیپر بھی خواب میں دیکھ لو، میں نے کہا بھائی ئی کوئی اپنے اختیار میں تو نہیں ہوتا ، جو نظر آیا تھا بتادیا اگر کچھ اور دیکھ لیا تو وہ بھی بتادوں گا

 

[Syed Waqas]

بہت اچھی پوسٹ..

 

[مسٹر کامیاب خان]

خواب میں کئی بار آنے والے واقعات کی جانب رہنمائی بھی مل جایا کرتی ہے

ہمارے میٹرک کے امتحانات تھے، امتحان سے ایک ہفتہ قبل میں نے خواب دیکھا کہ ہم کیمسٹری کا پیپر دے رہے ہیں جب سوالات کا پرچہ تقسیم ہوا تو میں اُسے پڑھتا ہوں تو سب سے اوپر امونیا گیس اور اسکے بنانے کا طریقہ بیان کرنے کو کہا گیا۔

باقی سب تو مجھے بھول گیا مگر امونیا گیس والا سوال یاد رہا، اگلے روز میں نے سب اپنے کلاس فیلوز کو یہ بات بتائی تو کئی ایک نے مذاق اُڑایا اور چند ایک نے سچ مان لیا، اب میں نے تو اس سوال کا مکمل جواب ازبر کرلیا ایک دو اور نے بھی یاد کیا اور جو مذاق سمجھ رہے تھے ان میں سے ایک دو نے اس سوال کی تفصیل نقل کی صورت میں اپنے ساتھ رکھ لی

کیمسٹری کے پیپر میں یہ سوال موجود تھا ، پھر جس نے جو تیاری کی تھی اس کے مطابق سوال کا جواب لکھا اور پیپر کے بعد جب اسٹڈی کے وقت ملاقات ہوئی تو اب سب کی یہی فرمائش تھی کہ یار کسی طرح باقی پیپر بھی خواب میں دیکھ لو، میں نے کہا بھائی ئی کوئی اپنے اختیار میں تو نہیں ہوتا ، جو نظر آیا تھا بتادیا اگر کچھ اور دیکھ لیا تو وہ بھی بتادوں گا

گڈ، ویری گڈ
میں آگے اسی قسم کا ایک واقعہ شئیر کرنے کا ارادہ رکھتا ہوں ۔

 

[مسٹر کامیاب خان]

بہت اچھی پوسٹ..

شکریہ