گپستان و مزاحیات و شاعری

[PakArt UrduLover]

کولیگ : کہنے لگا کہ میں سویت یونین کا لیفٹنینٹ تھا

ابوحسن : ہیں ؟ کیا کہہ رہے ہو ؟

کولیگ : ہاں سچ کہہ رہا ہوں

ابوحسن : آج کا بہترین لطیفہ جو سویت یونین باقی ہی نہ بچی اسکا لیفٹنینٹ ابھی تک باقی ہے ؟

اس بات کو سن کر وہ اور دوسرے کولیگ بھی قہقہوں سے ہنسنے لگے

دراصل یہ بات ٹرمپ کی حالیہ گفتگو پر شروع ہوئی تھی کہ وہ اپنے بیان میں کہہ رہا تھا کہ ہم بھی امن چاہتے ہیں اور طالبان بھی امن چاہتے ہیں حالانکہ یہ سریح جھوٹ تھا

پھر وہ اپنے انٹرویو میں کہتا ہے کہ ہمارے فوجیوں کے گھر والے ہم سے سوال کرتے ہیں
کسی کی ایک ٹانگ نہیں تو کسی کا ایک بازو کٹا ہوا

کسی کی آنکھ نہیں تو کسی کا شوہر مرگیا

کسی کا بیٹا مرگیا تو کوئی ویسے ذہنی مریض بن گیا

اس لیے ہم اب جنگ کی بجائے امن چاہتے ہیں

میں نے دل میں سوچا کہ انکو اس بات کی سمجھ کبھی نہیں آسکتی کہ مسلماں کو تو مطلوب شہادت ہے اور پھر اس میں موت نہیں بلکہ حیات ہے

کولیگ : نہ روس ہارا تھا نہ افغانستان بلکہ روس خود سب کچھ چھوڑ کرپیچھے ہٹ گیا(حالانکہ کہ یہ بھی سفید جھوٹ تھا جو کہ وہ سفید ہاتھی کے بارے میں بول رہا تھا)

ابوحسن : امریکہ بھی وہی سپر پاور کا گھمنڈ لیے داخل ہوا تھا لیکن آج پاگل کتے کی طرح بھاگنے کا راستہ ڈھونڈ رہا ہے

اب اس کولیگ کی چھیڑ بن گئی ہے لیفٹنینٹ

 

[PakArt UrduLover]

مارے ہاں دیسی لبڑل یورپ کے دلدادہ اور یورپ کی نقل کرنے اور ان پر مر مٹنے والے بہت ہیں چلو کچھ یورپ کی باتیں بھی ہوجائیں

جاب پر کچھ کولیگ یورپین ہیں

یورپین کولیگ : میرے ایک دوست نے دادی سے شادی کرلی

ابو حسن : کیا ؟ دادی سے شادی ؟ کیا کہہ رہے ہو؟

یورپین کولیگ : ہاں ،اسکی پینشن حاصل کرنے کیلئے

ابو حسن : مطلب ؟

یورپین کولیگ : اس نے اپنی دادی کے ساتھ کورٹ میں لیگل شادی کی ہے اب جتنے عرصہ وہ زندہ رہی خود پینشن لے گی اور مرنے کے بعد اسکا پوتا معاف کرنا اسکا شوہر

ابو حسن : میں نے دل میں سوچا کہ "جن کاموں کے متعلق ہم تصور بھی نہیں کرسکتے تم لوگ وہ کام کرلیتے ہو" اور ہمارے دیسی لبڑل تمہارے کارناموں کی مثالیں دیتے نہیں تھکتے

 

[PakArt UrduLover]

آج ہمارا حال یہ ہے کہ ان لوگوں سے معافی مانگ رہے ہیں جن کو ہم نے ذاتی طور پر کبھی دیکھا بھی نہیں؟

ان سے ڈیجیٹل معافیاں مانگتے پھر رہے ہیں اِدھر سے معافی کی پوسٹ یا ویڈیو آئی؟ اُدھر ہم نے اسے اپنی وال پر فوری شئیر کرکے دوسروں کو بھیجنا شروع کردیا اور خود سے ہی سمجھ بیٹھے کہ ہم نے اپنا حق ادا کر دیا

اور جو سگا بھائی، سگی بہن اور والدین جن کا دل دکھایا اور عزیز و اقارب جو ہماری وجہ سے سے پریشان ہوئے ان سے معافی مانگنے کا نام دور دور تک نہیں اسی طرح بیوی شوہر کے اور شوہر بیوی کے حقوق میں کوتاہی اور معافیاں ؟ وہ بھی غیروں سے سوشل میڈیا پر؟

وجہ کیا ہے؟

وجہ فقط دین سے دوری اور سیرت سیدالاولین و الاخرین صلی اللہ علیہ وسلم سے ناآشنائی

ہم نے اپنے سے یہ جاننے کی کوشش ہی نہ کی کہ قرآن وسنت اور آثار صحابہ نے اس کے متعلق ہماری کیا رہنمائی کی ہے؟

ہم نے نیم ملاں خطرہ ایمان کی باتوں میں آکر اس ڈرامے کا حصہ بننا شروع کردیا ہے

اللہ تعالٰی ہمیں حقیقی دین کی سمجھ عطا فرمائے اور اس پر عمل پیرا ہونے کی توفیق عطا فرمائے اور جن سے واقعتا ہمیں اپنی زیادتیوں کی معافی مانگنی چاہیے ان سے معافی مانگنے کی توفیق عطا فرمائے اور اللہ تعالیٰ ہمیں کینہ، بغض، حسد ،ریا اور دکھلاوے سے محفوظ فرمائے اور ہر نیک عمل اپنی رضا کیلئے کرنے کی توفیق عطا فرمائے اور ہمارا خاتمہ بالخير فرمائے، آمین

Themes : Pranto - Responsive HTML5 Education Template

 

[PakArt UrduLover]

تحفہء شبرات تمہیں دوں کیا۔۔۔۔؟
جان من، تم تو خود پٹاخہ ہو !!!
اکبر الہ آبادی

جسے میں نے اپنے واٹس اپ سٹیٹس میں لگایا تو ایک شبراتی بھائی کا میسیج کچھ یوں ملا:
"یہ واقعی اکبر کا ہے، مجھے تو اکبر سبزی والے کا لگ را"

جس پر میرا جواب کچھ یوں تھا:
کہ شعر کی تحقیق کرنا تو آپ نے مناسب سمجھا کیا ہی اچھا ہوتا کہ اس شبرات کی بھی تھوڑی بہت تحقیق کر لیتے کہ کیا واقعی اسلام میں اس کی کچھ فضیلت ہے یا کسی حلوہ خور مولوی کی ایجاد ہے؟

 

[PakArt UrduLover]

Themes : Viz News Wordpress Magazine / Business / News Theme

جپھیوں والی بنگالی سرکار

جیسے ہر روز مارکیٹ میں کوئی نہ کوئی نئی پروڈکٹ آتی رہتی ہے؟

ویسے ہی بدعت کی مارکیٹ میں ہر روز دین کے نام پر ایک نیا تماشہ وجود میں آتا ہے

آج یہ تماشہ بھی دیکھنے کو ملا کہ دو دو گلے ملکر مجلسِ میں بیان سن رہے ہیں اور ایک دوسرے کا روتے ہوئے سہارا بن کر تسلی بھی دے رہے ہیں

ٹریننگ بھی کمال کی ہے

اب اس بیان کا " تورزمہ تو کوئی بونگالی ہی کورسکتا ہے " کہ کیا فورمایا ذا رہا ہے

 

[Doctor]

Themes : Pranto - Responsive HTML5 Education Template

 

[PakArt UrduLover]

ریڈیو گپستان تو آپ نے بہت سنا ہوگا، سپورٹس گالا میں آئے اس جمناسٹک استاد نے ایسا ریڈیو گپستان سنایا کہ سن کر آپ بھی ہنسی سے لوٹ پھوٹ ہو جائینگے پروگرام :

Please, Log in or Register to view URLs content!

ہوسٹ : علینا
لودھی ہارون دیکھئیے مکمل پروگرام :

Please, Log in or Register to view URLs content!

https://twitter.com/i/web/status/1068912265880104960

 

[PakArt UrduLover]

موسم کا حال:

محکمہ موسمیات کی اطلاع کے مطابق آئندہ 24 گھنٹوں میں مطلع ابرآلود رہے گا جبکہ تمام گھروں سے ایسی گرم ہوائیں چلیں گی جس سے بیویوں کا مزاج انتہائی گرم رہنے کی توقع ہے لہذا تمام بزدل شوہر حضرات کو مطلع کیا جاتا ہے کہ وہ اپنے گھر سے دور رہیں کیونکہ آندھی آنے کے ساتھ ساتھ گھروں سے زور دار گالیاں برسنے کی بھی توقع ہے- آج ہوا میں نمی کا تناسب پتہ نہیں کتنے فی صد رہا-​

 

[PakArt UrduLover]

Themes : Pranto - Responsive HTML5 Education Template

 

[PakArt UrduLover]

Themes : Viz News Wordpress Magazine / Business / News Theme

بھائی پھیرو کے قریب آج سہ پہر ساڑھے دو بجے اور پنجاٹھ سیکنڈ پر ایک تیز رفتار ویگن نمبر 420 جو کہ امریکا نہیں بلکہ مری کا دورہ کرنے جا رہی تھی کہ سالا ایک مچھر اس سے ٹکرا گیا جس سے ویگن میں سوار پونے سات مسافر موقع پر ہی ویگن سے نکل کر بھاگ گئےاور زخمیوں میں صرف ویگن کی شناخت ہو سکی جس کو ڈی این اے ٹیسٹ کے لئے ورکشاپ بھیج دیا جائے گا- ڈینگی کے خوف کی وجہ سے مسافروں کی حالت تشویش ناک بتائی جاتی ہے-حادثہ پیش آنے کی وجہ یہ بتائی گئی ہے کہ 80 سالہ مچھر اپنی 16 سالہ بُڈھی مطلب اپنی بیگم سے گھر سے لڑائی کر کے نکلا تھا اور بیگم سے بچنے کے چکر میں اپنی عینک گھر ہی بھول آیا تھا - نظر کمزور ہونے کی وجہ سے ڈرتے ڈرتے سڑک پار کرنے لگا تو اچانک ویگن سے ٹکرا گیا -
مچھر سے ٹکرانے کی وجہ سے ویگن کے اوسان خطا ہو گئے اور اس پر خرچے پیسے اڑ گئے جبکہ مچھر کو ذرا بھی خراش تک نہیں آئی- ویگن کا ڈرائیور جائے حادثہ سے فرار ہونے میں کامیاب ہو گیا - حکومت نے اعلان کیا ہے کہ ڈرائیور کو پکڑنے والے یا اطلاع دینے والے شخص کو حکومت کی طرف سے ڈیڑھ کلو چرس بطورِ انعام دی جائے گی- پولیس نے مقدمہ درج کر لیا ہے اور تفتیش شروع کر دی ہے-
​

 

[PakArt UrduLover]

کھیل اور کھلاڑی :
جرمنی میں چیمپئنز ٹرافی ہاکی ٹورنامنٹ کے سلسلے میں پاکستان آج شاندار کھیل کا مظاہرہ کرتے ہوئے اپنے پول کا چوتھا میچ بھی ہار گیا- آج پاکستان کا مقابلہ برطانیہ سے تھا- پاکستان نے یہ میچ پانچ کے مقابلے میں ایک گول سے ہارا- آج بھی پاکستان نے اپنا روائتی کھیل پیش کیا اور کھیل کے پہلے ہاف کے پانچویں منٹ میں شہباز سینئر نے غلطی سے گول کر کے اپنی ٹیم کو ایک گول کی برتری دلوا دی-
پاکستان نے کھیل کے پندرھویں منٹ میں ایک بھر پور حملہ کیا جب برطانیہ کے ڈاکٹر اپنے زخمی کھلاڑی کا علاج کرنے کے لئے گراونڈ میں آئے تو پاکستان کی فارورڈ لائن نے بڑی اچھی موومنٹ بنائی اور برطانیہ کے چار کھلاڑیوں کو ڈاج دینے کے بعد ڈاکٹر کو مار مار کے بھگا دیا- کھیل میں دلچسپی اس وقت پیدا ہو گئی جب دوسرے ہاف کے دسویں منٹ میں برطانیہ نے لگا تار دو گول کر دیئے- اس کے بعد برطانیہ کی ٹیم نے ہارنے کی انتھک کوشش کی لیکن پاکستان کے دفاعی کھلاڑیوں نے بڑے اچھے کھیل کا مظاہرہ کیا اور خصوصا خالد ریڑھی والے نے کھیل کے آخری لمحات میں لگا تار تین گول کر کے ہیٹرک کرنے کا اعزاز حاصل کیا- سامعین کی دلچسپی کے لئے بتانا ضروری ہے کہ یہ تینوں گول برطانیہ کو نہیں بلکہ اپنی ٹیم کو کیے- پاکستان کے وزیرِاعظم نے پاکستانی ٹیم کے شاندار کھیل پیش کرنے اور مسلسل چوتھا میچ ہارنے پر حیرت کا اظہار کیا اور خصوصا خالد ریڑھی والے کی شاندار کارکردگی پر مبارکباد پیش کرتے ہوئے ایک محتصر تعزیتی پیغام میں صرف "لخ دی لعنت" لکھ کر ٹویٹر سے اپنا پیغام ٹویٹ کیا -
صدر ممنون حسین نے بھی ایک پیغام میں برطانیہ کی ٹیم کے میچ جیتنے پر مبارکباد دی ---- برطانیہ کو----- اور کہا کہ اگر پاکستان یہ چیمپئنز ٹرافی ہارنے میں کامیاب ہوگیا تو ٹیم کا ائیرپورٹ پر جوتوں کے ہار پہنا کر اور گدھوں پر بٹھا کر شاندار استقبال کیا جائے گا- گندے انڈے اور ٹماٹر بھی نچھاور کئے جائیں گے-​

 

[PakArt UrduLover]

موسم کا حال:

محکمہ موسمیات کی اطلاع کے مطابق آئندہ 24 گھنٹوں میں مطلع ابرآلود رہے گا جبکہ تمام گھروں سے ایسی گرم ہوائیں چلیں گی جس سے بیویوں کا مزاج انتہائی گرم رہنے کی توقع ہے لہذا تمام بزدل شوہر حضرات کو مطلع کیا جاتا ہے کہ وہ اپنے گھر سے دور رہیں کیونکہ آندھی آنے کے ساتھ ساتھ گھروں سے زور دار گالیاں برسنے کی بھی توقع ہے- آج ہوا میں نمی کا تناسب پتہ نہیں کتنے فی صد رہا-


اس کے ساتھ ہی اب تک آج کی خبریں ختم ہوئیں ہم سے اجازت لیجیے -اللہ آپکے کان اور آنکھیں سلامت رکھے-- اللہ ساڈا نگہبان​

Themes : Pranto - Responsive HTML5 Education Template

 

[PakArt UrduLover]

گپوں کی آڑ میں بیگمات پر شاعری

موٹی بیگم
لو بیگم موٹی ہوتی جا رہی ہے اب بہت توبہمگر تیلا مَیں ہو تا جا رہا ہوں روز سُک سُک کر
اُسے بچے وَدھانے کا بہت ہے شوق لیکن مَیںکہ تھکتا ہوں بہت گودی اکیلا اُن کو چُک چُک کر
مری تنخواہ پہ بس میری ہی بیگم کا ہے قبضہمَیں خرچہ تو نکالوں گا مگر بیگم سے لُک لُک کر
زباں چلتی ہے قینچی کی طرح اسکیمری توبہکبھی چلتی تھی چھکڑا کار کے جیسے وہ رُک رُک کر
پٹایا اُس کے ابا کو بڑی محنت سے مَیں نے توکمر بس ٹُٹ گئی میری سلاماں کیں تھیں جُھک جُھک کر
اُسے سر پہ بٹھایا یار تھی معصوم پہلے تودکھاتی ہے مُجھے غصہ زمیں پر وہ بھی تُھک تُھک کر​

 

[PakArt UrduLover]

یار اکثر عورتیں آخر عمر کیوں چھپاتی رہتی ہیں​

عمر کو عام طور پر عمَر ہی بولا جاتا ہے اور میں بھی اپنی اس تحریر میں اس بات کا فائدہ اٹھاتے ہوئے عمر کی بجائے عمَر ہی استعمال کروں گا-
بات کچھ یوں ہے کہ مسز نعیم سے اگر کوئی عمر کا پوچھے تو وہ کسی کو نہیں بتاتیں اور شانِ بے نیازی سے جواب دیتی ہیں کہ مجھے نہیں پتہ حالانکہ انھیں پتہ ہوتا ہےکہ عمر گھر کے اندر ہے اور پڑھ رہا ہے لیکن وہ کسی کو بتانا معیوب سمجھتی ہیں -میرا دوست کہتا ہے کہ خاتون کی عمر بہ آسانی معلوم کی جا سکتی ہے ان سے پوچھنے کی چنداں ضرورت نہیں ہے- میں نے پوچھا وہ کیسے؟ کہا بس محترمہ کو میک اپ کے بغیر دیکھنے کی سہولت میسر ہونا چاہیے-
اکثر لوگ کہتے ہیں دل جوان ہونا چاہیے عمر میں کیا رکھا ہے میرا دوست کہتا ہے کہ یار آخر اس سالے عمر میں ایسی کون سی خاص بات ہے کہہر لڑکی عمر کو چھپانا چاہتی ہے - میں نے کہا کہ یہ تو کوئی لڑکی ہی بہتر بتا سکتی ہے کہ آخر عمر میں ایسی کون سی بات ہے
ہمارے استاد جو کہ بہت ہی استاد تھے مطلب بہت ہی بڑے استاد تھے کہا کرتے تھے کہ جب عمرگزر جائے تو ہرکوئی افسوس کرتا ہے حالانکہ ہمیں افسوس تو ہرکسی کےگزر جانے پر کرنا چاہیےآخر عمر کے گزر جانے پر ہی کیوں؟ اور جب میرے دوست کی بھی کافی عمرگزر گئی تو اسےبھی عمر کے گزر جانے کا افسوس ہوا پھر وہ اسی دن عمر کے گھرتعزیت کے لئے چلا گیا-
کسی تقریب میں زیادہ عمر ہونے سے ایک نقصان یہ ہوتا ہے کہ لوگ اکثر عمر کے بارے میں چِہ مِیگوئِیاں کرتے نظر آتے ہیں - میرا دوست کہتا ہے دوسرا نقصان یہ ہوتا ہے کہ کسی ایک عمر نامی شخص کو آواز دینے پر سارے عمر بھاگے چلے آتے ہیں اور بالخصوص جب آواز دینے والی کوئی نازک اندام دوشیزہ ہو تو سب ویٹر کی خدمات بہم پہنچانے کے لئے پیش پیش نظر آتے ہیں-​

 

[PakArt UrduLover]

Themes : Viz News Wordpress Magazine / Business / News Theme

مردکو چھوڑو جناب آج کے دور میں عورت بھی کبھی بوڑھی نہیں ہوتی!
مقدس کاظمی​

وہ لوگ جو یورپ میں مقیم ہیں وہ یہ بات بخوبی جانتے ہیں کہ یورپ میں مرد کیا عورت بھی کبھی بوڑھی نہیں ہوتی۔ اس کی ایک وجہ یہ بھی ہے کہ وہاں کسی بوڑھی عورت یا بوڑھے مرد کو انکل، چاچا، ماما، تایا، بزرگو، بزرگوار، نانی، چاچی’ اور آنٹی وغیرہ نہیں کہا جاتا۔ آپکی عمر پچاس سال ہے یا ساٹھ یا ستر یا اسی سال، آپکو ہر کوئی آپکے نام سے ہی پکارے گا۔ اگر کوئی اجنبی ہے تو پہلے نام پوچھے گا اور پھر اسی نام سے آپ سے گفتگو کرے گا اور یہاں مرد تو مرد عورتیں بھی اپنی عمر نہیں چھپاتی۔ آپ کسی بھی جوان یا بزرگ مرد یا عورت سے بات کریں تو وہ اپنا تعارف اپنے نام سے شروع کریں گے روائتی حال چال کے بعد موسم اور پھر بلاججھک اپنی عمر بتا کر اپنی بات جاری رکھیں گے۔

ادھر ہم پاکستانی ہیں کہ مرد چالیس سال کا ہوا نہیں اور وہ انکل بنا نہیں۔ اور غصہ اس وقت آتا ہے جب آپ سے بڑی عمر کا مرد یا عورت بھی آپ کو انکل کہہ کر آپ کے جذبات پر پانی پھیر رہا ہوتا ہے۔ بقول مستنصر حیسن تارڑ صاحب کے (کیونکہ یہ بات انہیں سے منسوب ہے)، کہ جب ایک ہوائی سفر کے دوران ایک خوبرو ایئر ہوسٹسس بار بار انکے پاس آ کر کہہ رہی تھی کہ چاچا جی اور کوئی خدمت ؟ کوئی اور چیز تو نہیں چاہیے تو آخر تنگ آکر انہوں نے ائیر ہوسٹس سے کہا کہ کڑیئے ! خواہ تم مجھے چاچا کہو یا دادا، نیت میری نہیں بدلنی۔

جی پتہ نہیں ہم نے یہ کیوں سمجھ لیا ہے کہ مرد جب پچاس ساٹھ کا ہو جاتا ہے تو اسے پھر سرپر ٹوپی، چہرے پر داڑھی اور ھاتھ میں تسبیح پکڑ کر مسجد کی راہ لینی چاھیے۔ ٹی وی پر صرف مدنی چینل، قران چینل یا اسلام چینل کو ہی دیکھنا چاہیے اور ہر وقت اپنے اوپر سنجیدگی طاری کرکے پندو نصائح کا ٹھیکہ لے لینا چاہیے اور اگر ہو سکے تو تبلیغی جماعت کے ساتھ کم از کم چالیس روزہ چلّہ لازمی لگالینا چاھیےتاکہ اگلے جہاں میں مولاناطارق جمیل کی بیان کردہ حوروں میں سے کچھ حوروں کی بُکنگ پکی ہوسکے۔

ابھی حال ہی میں ایک برطانوی تحقیق کے مطابق 70 سے 80 سال کے جوڑے بھی اپنی ازدواجی زندگی سے پھر پور لطف اٹھاتے ہیں مگر پاکستان میں کسی بزرگ کا 60 سال کے بعد تو ایسا سوچنا بھی گناہ کبیرہ سمجھا جاتا ہے۔ کہ شرم نہیں آتی کہ ایک تو اتنا بڈھا کہ قبر میں ٹانگیں لٹکائے بیٹھا ہے اور ابھی بھی شادی کی خواھش رکھتا ہے۔ مگر اس سلسلے میں شمالی علاقہ جات کے کچھ علاقے جیسے بلتستان وغیرہ کے بارے میں شنید ہے کہ وہاں کوئی بوڑھا مرد یا بوڑھی عورت فارغ نہیں بیٹھتی بلکہ اپنا شریک حیات چھن جانے کے بعد انکی اولاد ہی انہیں پھر بیاہ کر اپنا فرض ادا کردیتی ہے۔ جبکہ پنجاب سے لے کر کراچی تک تو ایسا سوچنا بھی گناہ ہےان میں سے شائد ہی کچھ دبنگ قسم کے بزرگ ہوتے ہیں جو اپنی دبی خواھش کا اظہار کھل کر کرتے ہیں اور موقع ملے تو شادی سے گریز بھی نہیں کرتے۔ مگر ایسے جری و بہادر بزرگوں کی تعداد آٹے میں نمک کے برابر ہے۔ تو کیا اس اس حقیقت سے انکار کیا جا سکتا ہے کہ بزرگ عمر کے آخری حصے میں صرف شکائیتیں کرنے کے لیے ہی رہ گئے ہیں۔ یا ایف آئی آر میں مردانہ موت کی رپورٹ کے لیے۔

ابھی کچھ عرصہ قبل ایک دیہاتی بزرگ کی خفیہ موبائل وڈیو،واٹس ایپ پر وائرل ہوئی جس میں وہ بزرگوار کسی جانور کے ساتھ اپنا شوق جنوں پورا کررہے ہیں۔ بظاہر اس ویڈیو کو دیکھ کر بندے کی بے اختیار ھنسی چھوٹ جاتی ہے۔ مگر غور کیا جائے تو یہ ہمارے معاشرے کا المیہ ہے کہ ہم نے بوڑھوں کو جذبات و احساسات سے عاری ایک ایسا سماجی جانور سمجھ لیا ہے جو بس دوسروں کو دعا دے یا پھر سر پر ھاتھ پھرکر آشیر باد دے یا برطانیہ کی ملکہ کی طرح نوجوان جوڑوں کی شادی کی رسمی منظوری دے۔ مگر اس کے اپنے ساتھ کیا بیت رہی ہے ؟ہم نے کبھی اس کے بارے سوچنے تک کی زحمت نہیں کی۔

کافی عرصہ پہلے میں نے گورنمنٹ کے گریڈ فور سے لے کر گریڈ چودہ تک کے ریٹائرڈ بوڑھوں کی زندگی پر ایک تحقیق کی تو وہ بزرگ جنکی شریک حیات فوت ہوچکی تھی ان میں سے 85 فصد نے دوبارہ شادی کی خواھش کا اظہار اگر چہ ان میں سے 35 فیصد نے پس وپیش اور گردوپیش دیکھ کر اقرار کیا۔

اسی ضمن میں مجھے ایک دوست کی زبانی، انکے گاؤں کے ایک 80 سالہ سید بزرگ کا قصہ یاد آ گیا جن کی بیوی عرصہ دراز پہلے وفات پاچکی تھیں۔ اور وہ پھر بھی باھمت اتنے تھے کہ جب بھی انکے گاؤں یا کسی قریبی علاقے میں کوئی جوان مرد فوت ہوجاتا تو وہ عموماً رسم قُل والے دن لاٹھی ٹیکتے ہوئے خراماں خراماں صف ماتم پر پہنچ جاتے اور پھر بیوہ کو بلا بھیجتے۔ وہ بیوہ، ان سید صاحب کے احترام میں انکا پُرسہ لینے، سر ڈھانپ کر اپنا غمزدہ چہرہ لے کر انے پاس آتیں تو پہلے 80 سالہ سید صاحب اس جوان بیوہ کے سر پر ھاتھ پھیرتے، پھر اس کے خاوند کی تعزیت اس طرح کرتے”تمہارا مرد بڑی اچھی روح تھا، اللہ اسے بخشے، اور اپنے جوار رحمت میں جگہ دے۔ مگر کیا کیا جائے، اللہ کے حکم کو کوئی نہیں ٹال سکتا۔ اور پھر ابھی تو تہماری پہاڑ جیسی زندگی آگے پڑی ہے۔ تو اسے بھی تو گزارنا ہے تو میری تم کو نصیحت ہے کہ تم حضرت فاطمۃالزھرہ کی بہو بن جاؤ۔۔۔ (چونکہ بزرگ سید تھے اور اپنا نسب حضرت علی اور حضرت فاطمہ سےجوڑتے تھے)۔ یہ سن کر تازہ تازہ بیوہ جس کا ابھی غم بھی تازہ ہو وہ یقیناً ہکا بکا رہ جاتی مگر وہ کیا کہہ سکتی تھی کہ ایک تو وہ 80 سالہ بزرگ اوپر سے ”سید” اب اس ڈبل احترام میں نہ کوئی کچھ کہہ سکتا نہ غصے کا اظہار کرسکتا تھا۔ بس وہ بیوہ اپنا سا منہ لے کر بیٹھ جاتی۔ مگر بزرگ تھے کہ دُھن کے پکے تھے ہر تازہ تازہ ہونے والی بیوہ سے پوچھنا اپنا فرض عین سمجھتے تھے۔

مقصد یہ کہ کسی بھی بزرگ کو ہلکا مت لیجیے گا۔ جوں جوں عمر گذرتی جاتی ہے کسی جوان لڑکی یا اگر وہ میسر نہ ہو تو کوئی بھی مل جائے بس وہ دھندلی سی خاتون بھی لگتی ہو تو انکی خواھش ٹھرک دوآتشہ ہوتی چلی جاتی ہے۔ اب مغرب میں تو” شوگر ڈیڈی” کے نام سے بزرگ کسی نوجوان، یونیورسٹی کی لڑکی سے تعلقات استوار کرلیتے ہیں۔ مرد تو مرد وہاں کی بوڑھی عورتیں بھی اپنے اعضاء مخصوصہ کو آپریشن کے ذریعے بحال کرواتی پھرتی ہیں کہ اپنے جنسی عزائم بھرپور طریقے سے پایہ تکمیل تک عمر کے اس حصے میں بھی پہنچا سکیں۔

مگر پاکستان میں بزرگ پھر کیا کریں؟ کیونکہ بزرگوں کی بڑھتی عمر کے ساتھ انکی خواہش تو کم نہیں ہوتی۔ آپ کم تعلیم یافتہ بزرگوں کو ابھی ایک طرف رکھیں بلکہ ایک نظر یونیورسٹی میں پڑھانے والے بزرگ اساتذہ کو دیکھ لیں جن کی قابلیت سے اکثر لڑکیاں متاثر ہوجاتی ہیں وہ ان جوان لڑکیوں میں سے، کم از کم ایک اور شادی کرنے میں کسی تامل سے کام نہیں لیتے اور اگر حوصلہ ہو تو (ان کے نزدیک انصاف ضروری نہیں ہوتا) بقول ہمارے ایک محروم استاد محترم کہ میں ہر اس جوان خاتون سے شادی کا خواھش مند ہوں جو صاحبِ روزگار ہو اور صاحبِ۔۔۔۔ ہو۔ (خالی جگہ خود پُر کرلیں)

اسی لئے تو یہ تاثر عام ہے کہ یونیورسٹیز میں بعض پروفیسر تو زندہ ہی اپنی جوان شاگردان عزیزکی وجہ سے ہوتے ہیں اور جیسے ہی وہ ریٹائر ہوتے ہیں تو آناً فاناً فوت ہوجاتے ہیں۔ اب یہ تو رسائی کی بات ہے کہ کون کس حد تک آگے جانے کی قوت، تجربہ اور حوصلہ رکھتا ہے؟ اور کچھ نہیں تو ٹھرک دور سے بھی جھاڑا جا سکتا ہے۔ یہاں نوٹس، اسائنمنٹ، امتحان کے دوران جوان لڑکیوں کو اکیڈیمک امتحانات کے علاوہ بھی کئی دوسرے امتحانات سے گزرنا پڑتا ہے۔ اس کا مطلب یہ ہر گز نہیں کہ ہر لڑکی ان ٹھرکی اساتذہ کے ھاتھوں بلیک میل ہوجاتی ہے۔ مگر سینئر استاد، کئی ایک کو ٹٹولتا ہےاور پھر ریسپانس دیکھ کر ہی ھاتھ ڈالتا ہے۔ جبکہ جوان اساتذہ جلد پن میں، جلد پکڑ میں آجاتے ہیں۔ دوسرے لفظوں میں تجربہ کار اساتذہ ٹھنڈی کرکے کھاتے ہیں۔ (اس سلسلے میں حالیہ دنوں میں مختلف یونیورسٹی اور دیگر نجی تعلیمی مخلوط اداروں میں سامنے آنے والے اسکینڈل اس حقیقت کی غمازی کرتے ہیں۔

اسی طرح، جنسی کارکنوں پر کی گئی کئی تحقیقات کی روشنی میں یہ واضع ہوچک ہے کہ انکے اچھے اور سنجیدہ گاھک، ادھیڑ عمر ڈاکٹر، انجیئر، بیوروکریٹس یا دیگر شعبوں کے افسران سے لے کر وہ کاروباری طبقہ ہوتا ہے جو دوسری شادی، شرم، اولاد یا کسی اور معاشی و معاشرتی وجوھات کی بنا پر نہیں کر پاتے تو وہ اپنی لامحالہ جنسی خواھشات کو ”چُپ چپیتے” متبادل ذرائع سے پورا کرلیتے ہیں۔ لہذا اس ساری بحث کو اگر سمیٹا جائے تو ہم اس نتیجے پر پہنچتے ہیں کہ بزرگوں کو صرف احترام کے چبوترے پر بٹھانے کی بجائے انکے جذبات کو بھی سمجھنے کی کوشش کریں اس سے پہلے کہ وہ اور کچھ نہ کرسکیں تو اس بذرگ کی طرح میڈیکل اسٹور سے ”ویاگرا” لینے چلیں جائیں کہ چلیں اور کچھ نہیں تو دھوتی میں رونق تو لگی رہے۔
​

​

Themes : Pranto - Responsive HTML5 Education Template

 

[PakArt UrduLover]

لفظ سونا سے مراد سونا
نیند آنا ہے لیکن غور کیا جائے تو سونا سے مراد ہے کہ سونا یعنی سونا مت - میری بیگم کہتی ہے کہ مجھے سونا اچھا لگتا ہے لیکن میرا سونا اور اس کا سونا دو مختلف معنی رکھتا ہے- بیگم جب کہتی ہے کہ اب مجھے سونا چاہیے تو میرا دل دہل جاتا ہے لیکن جب واضح ہوتا ہے کہ سونا چاہیے سے مراد نیند ہے تو پھر کہیں جان میں جان آتی ہے ہمارے مذہب میں مَردوں کیلئے سونا حرام ہے اور ہمارے معاشرے میں بھی مَردوں کے لئے سونا حرام ہے مجال ہے کہ بچے آپ کو سکون سے گھر میں سونے دیں
ہاں تو میں کہہ رہا تھا مَردوں کے لئے سونا حرام ہے اور عورتوں کیلئے سونا حلال ہے اسی لئے عورتیں زیادہ سوتی ہیں رات کو خوب سوتی ہیں صبح خاوند کے آفس جانے اور بچوں کو سکول بھیجنے کے بعد پھر سو جاتی ہیں-کہتے ہیں کہ سونے سے تھکاوٹ دور ہو جاتی ہے؛ جی ہاں کبھی میرا بھی یہی خیال تھا لیکن اب سونے سے میری تھکاوٹ دور نہیں بلکہ اور بڑھ جاتی ہے جبکہ تھکاوٹ کا ذرہ برابر بھی احساس نہیں ہوتا --- جی ہاں ---- میری بیگم کو ----اور جس روز وہ گولڈ مارکیٹ میں گھومتی ہے گولڈ خریدنے کیلئے- دراصل وہ خود نہیں گھوم رہی ہوتی بلکہ مجھے گھما رہی ہوتی ہے اور اس روز میں بہت تھک جاتا ہوں اور اتنی تھکاوٹ شاید مجھے پیسے کمانے میں نہیں ہوتی جتنی سونے کیلئے پیسہ لٹانے پر ہو جاتی ہے اور اس روز پیسوں کے ساتھ ساتھ میں بھی لُٹ جاتا ہوں اور پھر گھر آ کر میں تھک ہار کے گھوڑے بیچ کر نہیں بلکہ اپنی تنخواہ بیچ کر سوجاتا ہوں
میری بیوی کو ڈاکٹر کی صرف اس ہدایت پر عمل کرنا بہت اچھا لگتا ہے کہ اچھی صحت کے لئے سونا بہت ضروری ہے؛ اور وہ ہر لحاظ سے (گولڈ اور نیند) اس ہدایت پر پوری طرح عمل کرتی ہے اور اپنی ساتھی سہیلیوں کو بھی یہی مشورہ دیتی ہے-اپنی بیوی کے لئے سونے کی کوئی چیز خرید کر لے جائیے (مچھردانی یا کمبل نہیں بلکہ گولڈ وغیرہ) تو بیوی کتنی بھی ناراض کیوں نہ ہو خوش ہو جاتی ہے- جب کبھی عورتیں گولڈ خریدتی ہیں تو اس وقت تک ان کا کھانا ہضم نہیں ہوتا جب تک وہ خریدے ہوئے گولڈ کو اپنی پڑوسنوں کو نہ دکھا لیں اور میرے خیال میں عورتوں کے سونا خریدنے کا مقصد دوسروں کو بتانے ؛ جتلانے؛ جلانے اور دوسروں کے گھر لڑائی کروانے کے علاوہ کچھ اور نہیں ہوتا
کسی کا قول ہے کہ جو سوتا ہے وہ کھوتا ہے- پنجابی میں کھوتا گدھے کو کہتے ہیں یعنی اگر ہم سوتے ہیں تو اس کا مطلب ہے کہ ہم کھوتے ہیں اگر ایسی بات ہے تو پھر میں آج سے سونا ہی چھوڑ دیتا ہوں لیکن جس کو سونا ملے پھر وہ کب چھوڑتا ہے-ایک مزدور کو مالک نے ملازمت سے نکالتے ہوئے کہا اگر تم کام نہیں کرو گے تو مجھے سو مل جائیں گے؛ مزدور نے مالک سے کہا اگر میرے کام نہ کرنے سے تمہیں سو مل جائیں گے پھر ٹھیک ہے مجھے کام کرنے کی کیا ضرورت ہے جو سو تمہیں ملیں گے اس میں سے پچاس مجھے دے دیا کرنا اور پچاس خود رکھ لیا کرنا
کوئی رات کو نیند کی گولی کھا کر سوتا ہے اور کوئی گھوڑے بیچ کر سوتا ہے اور غریب آدمی تھک ہار کر سوتا ہے- جبکہ کوئی سولی پر بھی سو جاتا ہے اور کوئی آرام دہ بستر پر بھی سو نہیں پاتا-کسی کو سو سو کے نوٹ ملتے ہیں اور کوئی سو سو کے مزید سست ہو جاتا اور اس کی آنکھیں سوج ہو جاتی ہیں-دولہے کو سلامی کے وقت لوگ سو سو کے ہار پہناتے ہیں حالانکہ میرے خیال میں ہار پہنانے کیلئے سونا ضروری نہیں بلکہ ہار پہنانے کیلئے ہار ہونا اور ہاتھ ہونا ضروری ہے جن ہاتھوں سے آپ ہار پہنا سکیں صرف شادی کے دن ہی دولہے کو سوسو کے نوٹوں کے ہار ملتے ہیں ہر روز کیوں نہیں ملتے ؛ اگر ہر روز سوسوکے نوٹوں کے ہار ملیں تو میں ہر روز شادی ہی کرواتا رہوں پھر مجھے کمانے کی کیا ضرورت ہے دولہے کو تو سو سو کے نوٹوں کے ہار ملتے ہیں لیکن مجھے ہمیشہ سو سو کے اٹھنے پر جھڑکیاں ہی ملیں نوٹ کبھی نہیں ملے
ہمارے ملازم کا نام سونا ہے وہ سوہنا تو نہیں ہے لیکن وہ بچپن میں بہت سوتا تھا اس لئے گھر والوں نے اس کا نام سو ---نا ---- رکھ دیا کہ زیادہ نہ سو لیکن وہ سوتا ہے اور بہت سوتا ہے اور وہ شاید کھڑے کھڑے بھی سو جاتا ہے اسی لئی میری بیگم کسی بات پر ڈانٹتے ہوئے کہہ رہی تھی اب جواب دو سوگئے ہو کیا بولتے کیوں نہیں-ایک دن جب میں دفتر سے گھر آیا تو میں نے اپنی بیگم سے پوچھا کہ سونا (نوکر) کدھر ہے اور بیگم کو ایک دم اپنے گولڈ کی فکر لاحق ہو گئی- وہ بولی گھر میں ہی ہے لیکن آپ کیوں پوچھ رہے ہیں- میں نے کہا ہاں خیریت ہے بس تم یہ بتاؤ سونا کدھر ہے- بیگم نے کہا میں تمھیں ہرگز سونا بیچنے نہیں دوں گی - ارے میں اپنے ملازم سونے کا پوچھ رہا ہوں - کیا وہ سونا لے کے بھاگ گیا ہے- اوہو نہیں ایسا کچھ نہیں مجھے اس سے کچھ کام ہے- بیگم بولی - ہائے اللہ میں تو گھبرا ہی گئی تھی-​

*************

​

 

[PakArt UrduLover]

شادی پر پنجابی مزاحیہ شاعری
شادی نے کیتا کباڑا او وی میری شادی تے
ہویا جیباں دا اجاڑا او وی میری شادی تے

پیسے لگیا ساں میں لُٹّن لتھ کے لو جی گھوڑی توں
ابے مینوں چنگا جھاڑا او وی میری شادی تے

نچنا گانا ڈھول ڈھمکا مہندی اُتّے رات نوں
بنیا بے حیای دا کھاڑا او وی میری شادی تے

چھڈ سیاہی لا دے انگوٹھا جگت کیتی مُلاّں
رنگ میرا لگیا گاڑھا او وی میری شادی تے

کُھلّی روٹی پَے گے سارے ویکھو ٹُٹ کے روٹی نوں
رے ساں پُکّھے لاڑی لاڑا او وی میری شادی تے

پیسے اَینے منگ لے جُتّی چُھپا کے سالیاں
پڑھنے پایا لو پہاڑا او وی میری شادی تے

بَھنڈاں نُوں ویلاں ناں لَبیاں ، غصہ آیا اوناں نُوں
گلّاں لا کے دب لتاڑا او وی میری شادی تے

چاچے مامے تائے لو جی سارے ویکھو رُس گے نیں
سب نے کڈیا دل دا ساڑا او وی میری شادی تے

لبّی ناں خالو نوں جعفرؔ رج کے لو جی بوٹیاں
پایا اُس نواں پواڑا او وی میری شادی تے​

 

[PakArt UrduLover]

گنجا
جب سے سر تُو نے دوانہ یہ بنا رکھا ہے
سنگ ہر شخص نے ہاتھوں میں اُٹھا رکھا ہے

چَپتیں کھا کر تو کَڑی ٹِنڈ پہ بھی گزری ہو گی
منہ کو یونہی تو نہیں تُو نے پُھلا رکھا ہے

لوگ یہ آج تری ٹِنڈ پہ ہنستے کیوں ہیں
سر پہ کیا تُو نے لطیفے کو لکھا رکھا ہے

اب تری ٹِنڈ کی دُنیا بھی تماشائی ہے
سر کو کیوں تُو نے یہ کپڑے سے چُھپا رکھا ہے

پی جا حجّام کی غلطی کو بھی ہنس کے جعفرؔ
جس نے ٹک سر پہ یہ تیرے جو لگا رکھا ہے​

Themes : Pranto - Responsive HTML5 Education Template

 

[Doctor]