Jumada Al-Awwal 1440جمادی الاول

[PakArt UrduLover]

Jumada Al-Awwal 1440

جمادی الاول

رگذشت سید محمدباقر بن محمد تقی خوانساری(۲۷ بهمن۱۳۹۴ش) (سال ۱۴۳۷ هجری قمری) ​

​

جمادی الاول اسلامی کیلنڈر کا پانچواں مہینہ ہے جس کے چند اہم ایّام کی تفصیل درج ذیل ہے :--
2۔ جمادی الاوّل : عرس حضرت خواجہ سراج الدین چشتی

6۔ جمادی الاوّل : صوفی محمد حسن شاہ

6۔ جمادی الاوّل : چھٹی شریف خواجہ غریب نواز، اجمیر شریف

6۔ جمادی الاوّل : عرس حضرت شاہ رکن عالم ۔ ملتان شریف

6۔ جمادی الاوّل : عرس مجاہدِ ملّت حبیب الرحمن قادری، اوریسہ

7۔ جمادی الاوّل : عرس حضرت شاہ عبدالحق محدث دہلوی

8۔ جمادی الاوّل : عرس حضرت پیر ابراھیم شاہ چشتی

11۔ جمادی الاوّل : گیارھویں شریف حضرت غوث الاعظم

11۔ جمادی الاوّل : عرس پیر جہانگیر شاہ باوا

17 جمادی الاوّل : عرس سید جلال الدین بخاری، اُچ شریف

17۔ جمادی الاوّل : عرس، حجۃ الاسلام مولانا حامد رضا خان بریلوی

17۔ جمادی الاوّل : وصال حاجی محمد الیاس خان، ڈنڈوت جہلم

22۔ جمادی الاوّل : حضرت سیّد احمد کبیر رفاعی

28۔ جمادی الاوّل : عرس خواجہ ابراھیم ابن احمد بلخی، ایران

29۔ جمادی الاوّل : وصال ۔ حضرت خالد بن ولید (رض)​

****
جمادی الاول اور جمادی الاخری کے فضائل​

اسلامی سال کے پانچویں مہینہ کا نام جمادی الاولیٰ ہے۔اس مہینہ میں قرآن پاک کی پاک و صاف لباس پہن کر صاف اور آہستہ آہستہ سمجھ کر تلاوت کرنا بہت زیادہ ثواب اور فائدہ کا باعث ہے۔ اس ماہ میں نوافل پڑھنا اور دیگر عبادات کرنا بہت سی فیوض وبرکات کے حصول کا باعث ہے۔
پہلی شب:۔جو کوئی اس ماہ کی پہلی شب نماز مغرب کے بعد چار رکعت نفل نماز دو دو رکعت کر کے اس طرح سے پڑھے کہ ہر رکعت میں سورہ فاتحہ کے بعد گیارہ گیارہ مرتبہ سورہ اخلاص پڑھے تو پروردگار عالم اس کو بے شمار ثواب سے نوازے گا اور اس کو گناہوں کی معافی عطا فرمائے گا۔
دو نفل:۔جمادی الاولیٰ کی پہلی شب نماز عشاء کے بعد دو رکعت نفل نماز اس طرح سے پڑھنی چاہئے کہ پہلی رکعت میں سورہ فاتحہ کے بعد سورہ جمعہ پڑھے جبکہ دوسری رکعت میں سورہ فاتحہ کے بعد سورہ مزمل پڑھے۔
چار نوافل:۔ اس ماہ کی یکم تاریخ کو نماز ظہر کے بعد چار رکعت اس طرح سے پڑھے کہ ہر رکعت میں سورہ فاتحہ کے بعد سات مرتبہ سورۃ النصرپڑھے۔
تیسری شب:۔جمادی الاولیٰ کے مہینہ کی تیسری شب کو نماز عشاء کے بعد بیس رکعت نفل نماز دو دو رکعت کے ساتھ اس طرح سے پڑھے کہ ہر رکعت میں سورۃ فاتحہ کے بعد دس دس مرتبہ سورہ قدر پڑھے اور سلام پھیرتے ہی یعنی تمام نوافل کی ادائیگی کے بعد باوضو حالت میں ہی قبلہ رخ بیٹھ کر فجر کی اذان تک یہ کلمات بکثرت پڑھتا رہے۔
یَاعَظِیْمُ تَعَظَّمْتَ بِا لْعَظْمَۃِ وَالْعَظْمَۃُ فِیْ عَظْمَۃِ عَظْمَتِکَ یَاعَظِیْمُ
انشاء اللہ تعالیٰ ثواب عظیم حاصل ہو گا اور جو بھی نیک حاجت ہو گی پروردگار عالم وہ ضرور پوری فرمائے گا۔
نفلی روزے:۔اس ماہ کی تیرہ، چودہ اور پندرہ تاریخ کو نفلی روزے رکھنے کی بہت زیادہ فضیلت ہے۔
اکیسویں شب:۔اس مہینہ کی اکیسویں شب کو نماز عشاء کے بعد چھ رکعت نفل نماز دو دو رکعت کر کے اس طرح سے پڑھے کہ ہر رکعت میں سورۃ فاتحہ کے بعد تین تین مرتبہ سورہ اخلاص پڑھے۔ نوافل کی ادائیگی کے بعد ایک سو مرتبہ درود پاک پڑھے۔
ستائیسویں شب:اس شب کو نماز عشاء کے بعد آٹھ رکعت نفل نماز دو دو رکعت کر کے اس طرح پڑھے کہ ہر رکعت میں سورۃ فاتحہ کے بعد ایک ایک مرتبہ سورۃ والضحیٰ پڑھے۔ اس کے بعد بکثرت سُبُّوحٌ قُدُّوْسٌ کا ورد کرتا ہوا باوضو حالت میں سو جائے۔ انشاء اللہ تعالیٰ بہت سی برکات حاصل ہوں گی۔
عظمت والی دعا:ابن عباس رضی اللہ عنہٗ نے کہا ہے کہ حضرت ابراہیم علیہ السلام حضرت ذوالقرنین علیہ السلام سے ملے اوران سے پوچھا کہ سارے زمانہ کو تو نے کس طرح سے دیکھااور شرق سے لیکر غرب تک کاکیسے مالک ہو گیا انہوں نے جواب دیا قُلْ ہُوَ اللّٰہُ اَحَدٌ سے اوران چند کلمات سے کہ جو انہیں پڑھے گا اللہ پاک اس کیلئے دس لاکھ نیکیاں لکھے گا اور اس کے دس لاکھ گناہ بخش دیگا اور اس کے دس لاکھ درجے بلند کریگا۔
حضرت ابراہیم علیہ السلام نے فرمایا مجھے بتلائو وہ کیا ہیں انہوں نے چند کلمات بتلائے۔ سُبْحٰنَ مَنْ ہُوَ بَاقٍ لَا یَفْنٰی سُبْحٰنَ مَنْ ہُوَ عَالِمٌ لَایَنْسٰی سُبْحٰنَ مَنْ ہُوَ قَیُّوْمٌ لَایَنَامُ سُبْحٰنَ مَنْ ہُوَدَائِمٌ لَا یَسْہُوْ سُبْحٰنَ مَنْ ہُوَ وَاسِعٌ لَایَتَکَلَّفُ سُبْحٰنَ مَنْ ہُوَ قَائِمٌ لَایَلْہُوْ سُبْحٰنَ مَنْ ہُوَ عَزِیْزٌ لَایَظْلِمُ۔
جمادی الاخریٰ کے فضائل
اسلامی سال کے چھٹے مہینہ کا نام جمادی الاخریٰ ہے۔ اس مہینہ میں وظائف ونوافل پڑھنے کا بیان اس طرح سے ہے۔
ہر حاجت اور ہر طلب کیلئے
کسی قسم کی مالی پریشانی ہویا گھریلو پریشانی ہو یا کوئی رکاوٹیں ہوں تو درج ذیل آیت کا کثرت سے ورد کریں۔ اللہ تعالیٰ آپ کی ہر جائز حاجت کو پورا فرمائیں گے۔
اِیَّاکَ نَعْبُدُوَ اِیَّاکَ نَسْتَعِیْنُo یَااَللّٰہُ یَارَحْمٰنُ
اِیَّاکَ نَعْبُدُوَ اِیَّاکَ نَسْتَعِیْنُo یَااَللّٰہُ یَارَحِیْمُ
مصیبت کو ٹالنے کیلئے
درج ذیل آیت کو اٹھتے بیٹھتے نہایت توجہ اور یقین کے ساتھ پٹرھیں اللہ تعالی آپ کی تمام مصیبتوں کو ٹال دیں گے۔فَاِنَّ مَعَ الْعُسْرِ یُسْرًاo اِنَّ مَعَ الْعُسْرِ یُسْرًاo (پارہ 30 سورۂ الم نشرح‘ آیت نمبر 6,5)

​

Tag : Pulsing Style Animated User Banner

 

[PakArt UrduLover]

جمادی الاول اسلامی کیلنڈر کا پانچواں مہینہ ہے جس کے چند اہم ایّام کی تفصیل درج ذیل ہے​

View attachment 3819 ​

مراد خان ثالث کی وفات:
8 جمادی الاول 1003 ہجری بمطابق 19 جنوری 1595 سلطان مراد خان ثالث مملکت عثمانیہ کے 13 ویں سلطان اور چوتھے خلیفہ 21 سال حکومت کرنے کے بعد 50 سال کی عمر میں وفات پا گئے۔
امام محمد عبدہ کی وفات:
8 جمادی الاول 1323 ہجری بمطابق 11 جولائی 1905 استاذ محمد عبدہ مصر میں الاصلاح تحریک کے رہنماء کی وفات ہو گئی یہ البحیرۃ ضلع کی ایک بستی میں پیدا ہوئے الجامع احمدی اور پھر الازہر سے تعلیم حاصل کی ، جمال الدین افغانی کے ساتھی رہے اور ان کی شاگردی بھی اختیار کی ،انگریز کے خلاف عرب تحریک میں حصہ لیا اور مصر سے بیروت جلاوطن کر دئیے گئے ، واپسی کے بعد انھیں مصر کا مفتی تعینات کر دیا گیا اور مصر میں الاصلاح تحریک کی قیادت کی ۔

پہلی اسرائیلی حکومت کی تشکیل:
8 جمادی الاول 1368 ہجری بمطابق 8 مارچ 1949 ڈیوڈ بن گوریان کی سربراہی میں 1948 میں اسرائیل کے قیام کے اعلان کے بعد پہلی اسرائیلی حکومت کا قیام عمل میں آیا، بن گوریان صہیونی 1886 کو پولینڈ میں پیدا ہوا ، یہ اسرائیل کی لیبر پارٹی کے رہنماؤں اور مؤسسین میں سے ایک تھا اور اسی نے اسرائیل کے قیام کا اعلان کیا ، 1973 میں اس کی وفات ہوئی اس نے یہودی وطن کے حصول اور عبرانی مملکت کے حوالے سے دسیوں کتب اور تاریخی مباحث تحریر کئے۔

محدث احمد البنا کی وفات:
8 جمادی الاول 1378 ہجری بمطابق 19 نومبر 1958 مصر میں 14 ویں صدی ہجری (20 ویں صدی ) کے عظیم محدث احمد عبدالرحمٰن البنا کی وفات ہوئی یہ حسن البناء شہید کے والد تھے ان کی کتاب بہت مشہور ہے۔

حمزہ فتح اللہ لغوی کی وفات:
8 جمادی الاول 1336 ہجری بمطابق19 فروری 1918 لغت کے بڑے امام الشیخ حمزۃ فتح اللہ کی وفات ہوئی یہ 1266 ہجری بمطابق 1849 مصر کے ضلع البحیرۃ کے علاقے ادکو میں پیدا ہوئے قرآن حفظ کیا اور الازہر میں تعلیم حاصل کی اس کے بعد صحافت کے میدان کا رخ کیا اور البرہان رسالہ اور پھر الاعتدال کا اجراء کیا پہلے لینگوئج کالج اور پھر دارلعلوم میں مدرس رہے ان کی مشہور کتابیں المواهب الفتحية في علوم اللغة العربية اور ورسالة في المفردات الأعجمية ہیں۔
​

​