غالب شاعر مرزا غالبابن مریم ہوا کرے کوئی

[PakArt UrduLover]

Please, Log in or Register to view URLs content!

شاعر مرزا غالب
ابن مریم ہوا کرے کوئی

میرے دکھ کی دوا کرے کوئی


شرع و آئین پر مدار سہی

ایسے قاتل کا کیا کرے کوئی


چال جیسے کڑی کمان کا تیر

دل میں ایسے کے جا کرے کوئی


بات پر واں زبان کٹتی ہے

وہ کہیں اور سنا کرے کوئی


بک رہا ہوں جنوں میں کیا کیا کچھ

کچھ نہ سمجھے خدا کرے کوئی


نہ سنو گر برا کہے کوئی

نہ کہو گر برا کرے کوئی


روک لو گر غلط چلے کوئی

بخش دو گر خطا کرے کوئی


کون ہے جو نہیں ہے حاجت مند

کس کی حاجت روا کرے کوئی


کیا کیا خضر نے سکندر سے

اب کسے رہ نما کرے کوئی


جب توقع ہی اٹھ گئی غالبؔ

کیوں کسی کا گلہ کرے کوئی

​

 

[Doctor]

 

[ناعمہ وقار]