نعتِ رسول ﷺ بنامِ احمد ﷺ

[ناعمہ وقار]

کتابِ ہستی کے سارے عنواں ‘ بنامِ احمد بنامِ احمد
نصابِ مستی کے سارے اِمکاں ‘ کلامِ احمد کلامِ احمد

وہ کُن سے پہلے کی داستاں ہے ‘ وہ بے نشاں کا حسیں نشاں ہے
زماں مکاں کی یہ سب طنابیں ‘ خیامِ احمد خیامِ احمد

اَحد کا مظہر جمالِ احمد ‘ صمد کا منظر کمالِ احمد
قدم قدم پر کمالِ قدرت ‘ خرامِ احمد خرامِ احمد

ورائے خلقت ‘ میانِ خلقت ‘ ندائے وحدت ‘ رِدائے رحمت
خرد کدے میں مقامِ حیرت ‘ مقامِ احمد مقامِ احمد

جہاں کہیں ہے خدا کی خلقت ‘ وہیں بہ جلوہ رسولِ رحمت
قیامِ ہستی میں جو سبب ہے ‘ قیامِ احمد قیامِ احمد

سبب وہ سب کا ‘ بلاسبب ہے ‘ شرق سے لے کر غرب تلک ہے
وہ جس کے دم سے اَزل اَبد ہے ‘ دوامِ احمد دوامِ احمد

سلامتی ہے پیام جس کا ‘ وہ ہے پیمبر پیمبروں کا
بیانِ خالق زبانِ صادقؐ ‘ پیامِ احمد پیامِ احمد

وَرَق وَرَق میں ‘ شجر حجر میں ‘ کتابِ فطرت کی ہر سطر میں
زبانِ قدرت یہ کہہ رہی ہے ‘ درودِ احمد سلامِ احمد

کھلے گی قسمت کبھی تو اظہرؔ ‘ بنامِ واصفؒ عطائے حیدرؑ
اگر وہ کہہ دیں کہ ہاں یہی ہے غلامِ احمد غلامِ احمد

ڈاکٹر اظہر وحید​

 

[Doctor]