میر میر تقی میر۔دیکھ تو دل کہ جاں سے اٹھتا ہے

[PakArt UrduLover]

دیکھ تو دل کہ جاں سے اٹھتا ہے
یہ دھواں سا کہاں سے اٹھتا ہے


گور کس دل جلے کی ہے یہ فلک
شعلہ اک صبح یاں سے اٹھتا ہے


خانۂ دل سے زینہار نہ جا
کوئی ایسے مکاں سے اٹھتا ہے


نالہ سر کھینچتا ہے جب میرا
شور اک آسماں سے اٹھتا ہے


لڑتی ہے اس کی چشم شوخ جہاں
ایک آشوب واں سے اٹھتا ہے


سدھ لے گھر کی بھی شعلۂ آواز
دود کچھ آشیاں سے اٹھتا ہے


بیٹھنے کون دے ہے پھر اس کو
جو ترے آستاں سے اٹھتا ہے


یوں اٹھے آہ اس گلی سے ہم
جیسے کوئی جہاں سے اٹھتا ہے


عشق اک میرؔ بھاری پتھر ہے
کب یہ تجھ ناتواں سے اٹھتا ہے
​

 

[Doctor]

 

[Mr. A]

 

[PakArt UrduLover]

انشا اللہ ۔شکریہ​

 

[PakArt UrduLover]

Download Sahih Muslim URDU Complete

@Doctor @Ajnabee @Abu Dujana @AM @Derwaish @Doctor @Sabih Tariq @Adeel Naseem @Afzal339 @Ahsan376 @Akram Naaz @Derwaish @Dr Mechanical @Incredible Malik @Kaleem_shah @LAIQUE SHAH @Mohammad Basheer @Muhammad @Sabih Tariq @SILENT.WALKER @Sobia Shah @Syed Waqas @UMAR ISLAM @X 2 @Zain UltimateX @ناعمہ وقار

 

[SILENT.WALKER]

عمدہ محترم​