تتلیاں پکڑنے کو دور جانا پڑتا ہے

[ناعمہ وقار]

کتنا سہل جانا تھا
خوشبوؤں کو چھو لینا

بارشوں کے موسم میں
شام کا ہر اک منظر
گھر میں قید کر لینا
روشنی ستاروں کی مٹھیوں میں بھر لینا

کتنا سہل جانا تھا
خوشبوؤں کو چھو لینا
جگنوؤں کی باتوں سے پھول جیسے آنگن میں
روشنی سی کر لینا
اس کی یاد کا چرچا
خوابناک آنکھوں میں
دیر تک سجا رکھنا

کتنا سہل جانا تھا
اے نظر کی خوش فہمی
اس طرح نہیں ہوتا
تتلیاں پکڑنے کو دور جانا پڑتا ہے ​

( نوشی گیلانی ) ​

 

[Doctor]

 

[PakArt UrduLover]